भालचंद्र कुलकर्णी यांनी अनेक चित्रपटांमध्ये विविधांगी भूमिका साकारल्या होत्या.
त्यांना आतापर्यंत अनेक पुरस्कारांनी सन्मानित करण्यात आलं होतं. ‘झुंज तुझी माझी’, ‘हळद रुसली कुंकू हसले’, ‘जावयाची जात’, माहेरची साडी अशा जवळपास ३०० पेक्षा चित्रपटांत त्यांनी काम केले होते.
१९८४ साली आलेल्या ‘कुलस्वामिनी अंबाबाई’ या चित्रपटातील ‘चांगभलं रं चांगभलं, देवा ज्योतिबा चांगभलं’ हे त्यांच्यावर चित्रित झालेले गाणे खूपच लोकप्रिय झाले होते.
भालचंद्र कुलकर्णी हे अखिल भारतीय चित्रपट महामंडळाचे संचालक होते. चित्रपट महामंडळाने त्यांना 'चित्रभूषण' पुरस्कार देऊन सन्मानित केले होते. जनकवी पी. सावळाराम पुरस्काराने सन्मानित करण्यात आले होते. जीवनगौरव पुरस्कारानेही त्यांना सन्मानित करण्यात आले होते.
चित्रपट महामंडळाच्या सांस्कृतिक, चित्रपट विषयक तसेच आंदोलनात्मक कामातही ते सक्रिय असत. जयप्रभा, शालीनी स्टुडिओचे जतन व्हावे, या लढ्यातही ते अग्रभागी होते.
0 टिप्पण्या