अल्ताफ दादासाहेब शेख दिग्दर्शित "कर्मयोगी आबासाहेब" आता सातासमुद्रापार फ्रान्स येथील जगप्रसिद्ध कान्स फिल्म फेस्टिवल साठी निवड...
"कर्मयोगी आबासाहेब" चित्रपटास, सांस्कृतिक कला दर्पण गौरव विशेष लक्षवेधी पुरस्काराने सन्मानित...
याआधी ही कर्मयोगी आबासाहेब चित्रपटाला 30 राष्ट्रीय व आंतरराष्ट्रीय पुरस्काराने सन्मानित करण्यात आले.
मायाक्का माऊली फिल्म प्रोडक्शन आणि मुंबई क्रिएशन इंटरटेनमेंट, रिलायन्स एंटरटेनमेंट, निर्माता बाळासाहेब महादेव एरंडे आणि मारुती तुळशीराम बनकर निर्मित या चित्रपटात अनेक नामांकित व काही नवोदित कलाकारांनी उत्कृष्ठ अभिनय सादर केला आहे.
या चित्रपटात अनिकेत विश्वासराव, हार्दिक जोशी, विजय पाटकर, प्रदीप वेलणकर, देविका दप्तरदार, पृथ्वीक प्रताप, अरबाज शेख, सुरेश विश्वकर्मा यांनी महत्त्वपूर्ण भूमिका साकारल्या असून चित्रपटातील सर्वच कलाकारांनी आपापल्या भूमिका उत्तम केल्या आहेत.
तर या चित्रपटाचे दिग्दर्शक अल्ताफ शेख यांनी आपल्या लेखणी व सादरीकरणाने आबासाहेबांचा जीवनपट अक्षरशः जिवंत केला आहे. ही प्रतिष्ठित निवड झाल्यानंतर "आमच्या कलाकृतीचा आम्हास सार्थ अभिमान आहे." अशी प्रतिक्रिया संपूर्ण टीम कडून व्यक्त करण्यात येत आहे.
कान्स येथिल स्क्रीनिंग च्या पूर्ण प्रक्रियेमध्ये फिल्म फेस्टिवल मार्केट कॉर्डिनेटर ब्रिजेश गुरणानी यांचं अत्यंत मोलाचे योगदान लाभले.
0 टिप्पण्या