संत निरंकारी मिशनच्या वारजे रक्तदान शिबिरात २३६ युनिट रक्त संकलित; मानवसेवेचा प्रेरणादायी संदेश...
शिबिराचे उद्घाटन मिशनच्या पुणे सिटी सेक्टर प्रमुख पुष्पा करमचंदनी यांच्या हस्ते झाले. यावेळी क्षेत्रीय संचालक अवनित तावरे आणि अशोक कोऱ्हाळे यांच्यासह अनेक नगरसेवक, सामाजिक कार्यकर्ते आणि मान्यवरांनी उपस्थित राहून संत निरंकारी मिशनच्या समाजोपयोगी कार्याचे कौतुक केले.
संत निरंकारी मिशनची रक्तदानाची सेवा-परंपरा गेल्या चार दशकांहून अधिक काळ अखंड सुरू असून, देशभरात आयोजित रक्तदान शिबिरांतून आतापर्यंत १५ लाखांहून अधिक युनिट रक्त संकलित करण्यात आले आहे. मानवसेवेसाठी मिशनची असलेली अटळ बांधिलकी या कार्यातून अधोरेखित होते.
युगप्रवर्तक बाबा गुरबचन सिंह जी यांनी तरुणांना नशामुक्त जीवन स्वीकारून समाजसेवेसाठी योगदान देण्याचा संदेश दिला होता. त्यानंतर बाबा हरदेव सिंह जी महाराज यांनी "रक्त नाड्यांतून वाहावे, नाल्यांतून नव्हे" हा प्रेरणादायी संदेश देत रक्तदान चळवळीला व्यापक स्वरूप दिले. सद्गुरु माता सुदीक्षाजी महाराज यांच्या मार्गदर्शनाखाली ही मानवसेवेची परंपरा आजही प्रभावीपणे पुढे सुरू आहे.
कार्यक्रमाच्या शेवटी श्री. विजय कदम यांनी उपस्थित मान्यवर, रक्तदाते, स्वयंसेवक, वैद्यकीय अधिकारी तसेच आयोजनासाठी सहकार्य करणाऱ्या सर्वांचे मनःपूर्वक आभार मानले. :::
संपादक - संजय डुबल
9172830799 व्हाट्सअप फक्त..
0 टिप्पण्या